ଆରଜେଡି-ଜେଡିୟୁ ଫାଟ ବଢ଼ୁଛି: ଲାଲୁ-ନୀତୀଶ ଏକାଠି ବସିଲେ, କିନ୍ତୁ କେହି କାହାକୁ ଚାହିଁଲେ ନାହିଁ – Kalinga News
[ad_1]
ନୂଆଦିଲ୍ଲୀ: ବିହାର ରାଜନୀତି ଆଜିକାଲି ଏକ ଭିନ୍ନ ପର୍ଯ୍ୟାୟ ଦେଇ ଗତି କରୁଛି। ରାଜ୍ୟରେ ଆରଜେଡି ଓ ଜେଡିୟୁର ମେଣ୍ଟ ସରକାର ଅଛି। କିନ୍ତୁ ଦୁଇ ଦଳ ମଧ୍ୟରେ ସମ୍ପର୍କରେ ଫାଟ ସ୍ପଷ୍ଟ ଦେଖାଯାଉଛି। ମକର ସଂକ୍ରାନ୍ତି ଦିନ ମୁଖ୍ୟମନ୍ତ୍ରୀ ନୀତୀଶ କୁମାର ଆରଜେଡି ଅଧ୍ୟକ୍ଷ ଲାଲୁ ଯାଦବଙ୍କ ଘରେ ଦହି ଚୁଡ଼ା ଖାଇବାକୁ ପହଞ୍ଚିବା ପରେ ମଧ୍ୟ ଏହି ଫାଟ ଦେଖିବାକୁ ମିଳିଥିଲା। ବିହାରରେ ମକର ସଂକ୍ରାନ୍ତି ଦିନ ଦହି ଖାଇବା ଓ ଖାଇବାକୁ ଦେବାର ପରମ୍ପରା ରହିଛି। ନୀତୀଶ କୁମାର ତାଙ୍କ ଘରୁ ଚାଲି ଚାଲି ଲାଲୁ ଯାଦବଙ୍କ ଘରକୁ ଯାଇଥିଲେ। ତେଜସ୍ୱୀ ଯାଦବ ଘର ଦ୍ବାରରେ ନୀତୀଶ କୁମାରଙ୍କୁ ସ୍ୱାଗତ କରିଥିଲେ। ଶତାଧିକ କର୍ମୀଙ୍କ ଉପସ୍ଥିତିରେ ନୀତୀଶ ଓ ଲାଲୁ ଯାଦବ ସାକ୍ଷାତ କରିଥିଲେ। ଏହାକୁ ନେଇ କର୍ମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା।
Sambad is now on WhatsApp
Join and get latest news updates delivered to you via WhatsApp
ଲାଲୁ ଓ ନୀତୀଶ ଏକାଠି ବସିଥିଲେ। ପ୍ରବଳ ଥଣ୍ଡା କାରଣରୁ ଉଭୟଙ୍କ ସମ୍ମୁଖରେ ନିଆଁ ଜଳୁଥିଲା। କିନ୍ତୁ ନିଆଁ ମଧ୍ୟ ଦୁହିଁଙ୍କ ସମ୍ପର୍କରେ ଉଷ୍ମତା ଆଣି ପାରିନଥିଲା । ଲାଲୁ ଓ ନୀତୀଶ ପ୍ରାୟ ୯ ମିନିଟ୍ ପରସ୍ପର ପାଖରେ ବସିଥିଲେ ବି ଦୁହେଁ ପରସ୍ପରକୁ ଥରେ ବି ଦେଖିନଥିଲେ। ଏହି ପୂରା ଦୃଶ୍ୟକୁ ଗଣମାଧ୍ୟମ କ୍ୟାମେରା ସହ କର୍ମୀମାନେ ମଧ୍ୟ ଦେଖିଥିଲେ। ଲାଲୁ ଏଠାରେ ଉପସ୍ଥିତ ଥିବା ପରି ମନେ ହେଉନଥିଲା। ଲାଲୁଙ୍କ ପରିଚିତ ଶୈଳୀ ଏଠାରେ ଦେଖିବାକୁ ମିଳିନଥିଲା। ଏହି ସମୟ ମଧ୍ୟରେ କୌଣସି ହସ କିମ୍ବା ହାଲୁକା ମୁହୂର୍ତ୍ତ ଦେଖିବାକୁ ମିଳିନଥିଲା । ସେହି ସମୟରେ ନୀତୀଶ କୁମାରଙ୍କୁ ଦେଖି ଲାଗୁଥିଲା ଯେ ସେ କେବଳ ଦହି-ଚୁଡ଼ା ପ୍ରସାଦ ଖାଇବାକୁ ଆସିଛନ୍ତି। ୨୦୧୫ ତୁଳନାରେ ଏଥର ମକର ସଂକ୍ରାନ୍ତିର ଦୃଶ୍ୟ ସମ୍ପୂର୍ଣ୍ଣ ଭିନ୍ନ ଥିଲା। ୨୦୧୫ରେ ନୀତୀଶ କୁମାର ଲାଲୁଙ୍କ ଘରକୁ ଆସିବା ପରେ ଲାଲୁ ତାଙ୍କୁ କପାଳରେ ଦହି ଟିକା ଦେଇ ସ୍ୱାଗତ କରିଥିଲେ। ଏହା ସହ କହିଥିଲେ ଯେ ଏବେ ଆପଣ ମୁଖ୍ୟମନ୍ତ୍ରୀ ହେବେ । ଏହି ସମୟରେ ଲାଲୁ ଓ ନୀତୀଶଙ୍କ ମଧ୍ୟରେ ପ୍ରବଳ ଉଷ୍ମତା ଦେଖିବାକୁ ମିଳିଥିଲା। ଆଜି ସେଭଳି ଉଷ୍ମତା ଦେଖିବାକୁ ମିଳିନଥିଲା। ଏଥର ସ୍ପଷ୍ଟ ଭାବେ ଦେଖାଯାଉଥିଲା ଯେ ଦୁଇ ଦଳ ମଧ୍ୟରେ ସମ୍ପର୍କର ବ୍ୟବଧାନ ଯଥେଷ୍ଟ ବୃଦ୍ଧି ପାଇଛି। କିଛି ଦିନ ହେବ ବିହାର ରାଜନୀତିରେ ହଟଚମଟ ଦେଖାଦେଇଛି । ଗତ କିଛି ଦିନ ହେବ ଆରଜେଡି ଓ ଜେଡିୟୁ ମଧ୍ୟରେ ବିବାଦ ଲାଗି ରହିଥିବା ଖବର ସାମ୍ନାକୁ ଆସିଛି । ନିକଟରେ ଯେତେବେଳେ ନୀତୀଶ କୁମାର ନୂଆ ଶିକ୍ଷକମାନଙ୍କୁ ନିଯୁକ୍ତି ପତ୍ର ବଣ୍ଟନ କରିଥିଲେ, ସେତେବେଳେ ତେଜସ୍ୱୀ ଯାଦବଙ୍କ ନାମ ମଧ୍ୟ ଏହି କାର୍ଯ୍ୟକ୍ରମର ବିଜ୍ଞାପନରେ ନଥିଲା।
[ad_2]
