[ad_1]
ମୁମ୍ବାଇ: ଏକ ସ୍ଥାନୀୟ କ୍ରିକେଟ ମ୍ୟାଚ୍ ରେ ଫିଲ୍ଡିଂ କରୁଥିବା ଜଣେ ୫୨ ବର୍ଷୀୟ ଖେଳାଳିିଙ୍କ ମୁଣ୍ଡରେ ବଲ୍ ବାଜିବାରୁ ତାଙ୍କର ମୃତ୍ୟୁ ଘଟିଛି। ସୋମବାର ଅପରାହ୍ନରେ ମାଟୁଙ୍ଗା ଅଞ୍ଚଳର ଦାଦକର କ୍ରିକେଟ ପଡ଼ିଆରେ ଜୟେଶ ଚୁନ୍ନିଲାଲ ସାବଲା ନାମକ ଜଣେ ବ୍ୟକ୍ତି ନିଜ ଦଳ ପାଇଁ ପଡ଼ିଆରେ ଫିଲ୍ଡିଂ କରୁଥିବା ବେଳେ ଏହି ଘଟଣା ଘଟିଛି।
Sambad is now on WhatsApp
Join and get latest news updates delivered to you via WhatsApp
ହସ୍ତଗତ ହୋଇଥିବା ରିପୋର୍ଟରୁ ପ୍ରକାଶ, ସଂପୃକ୍ତ ପଡ଼ିଆରେ ଏକସଙ୍ଗେ ଦୁଇଟି ମ୍ୟାଚ୍ ଚାଲିଥିଲା। ମୃତ ଖେଳାଳି ଜଣଙ୍କ ତାଙ୍କ ଦଳ ପାଇଁ ଫିଲଡିଂ କରୁଥିଲେ। ଏହି ସମୟରେ ଅନ୍ୟ ମ୍ୟାଚ୍ର ଜଣେ ବ୍ୟାଟ୍ସମ୍ୟାନ୍ଙ୍କ ବଲ୍ ଆସି ସାବଲାଙ୍କ ମୁଣ୍ଡର ପଛ ପାର୍ଶ୍ୱରେ ବାଜିଥିଲା।
ସାବଲାଙ୍କ ମୁଣ୍ଡରେ ବଲ୍ ବାଜିିବା ପରେ ସେ ତଳେ ପଡ଼ି ଅଚେତ ହୋଇ ଯାଇଥିଲେ। ତାଙ୍କୁ ତୁରନ୍ତ ଚିକିତ୍ସା ପାଇଁ ଡାକ୍ତରଖାନାକୁ ନିଆଯାଇଥିବା ବେଳେ ଡାକ୍ତରଖାନାରେ ଭର୍ତ୍ତି ହେବା ପୂର୍ବରୁ ତାଙ୍କୁ ଡାକ୍ତରମାନେ ମୃତ ଘୋଷଣା କରିଥିଲେ। ମୁଣ୍ଡରେ ଆଘାତ ଲାଗିବାରୁ ସାବଲାଙ୍କ ମୃତ୍ୟୁ ଘଟିଥିବା ବେଳେ ମାଟୁଙ୍ଗା ଥାନାରେ ଏ ସଂକ୍ରାନ୍ତରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି।
କଚ୍ଛୀ ସମ୍ପ୍ରଦାୟ ପକ୍ଷରୁ ଆୟୋଜିତ ଏକ ଟୁର୍ଣ୍ଣାମେଣ୍ଟରେ ଏହି ମ୍ୟାଚ୍ଗୁଡ଼ିକ ପଡ଼ିଆରେ ଖେଳାଯାଉଥିଲା ବୋଲି ଜଣେ ପୁଲିସ ଅଧିକାରୀ କହିଛନ୍ତି।
[ad_2]
